• 找尋 | 第三週 - 愛 | 星期三 | 愛的視覺

  • Dec 19 2023
  • Length: 19 mins
  • Podcast

找尋 | 第三週 - 愛 | 星期三 | 愛的視覺

Listen for free

View show details

  • Summary

  • [場景 - Amanda家]Amanda: (筋疲力盡) 唉……我真係覺得好攰，……一個人生活，……一個人面對所有嘢。冇人關心我，冇人同我分擔，甚至係無人同我傾偈……我要自己同自己講嘢。嗚嗚！……我真係唔係咁tough㗎咋！……我真係唔想再咁撐落去囉……[電話對話]Amanda媽: Amanda? 媽咪啊！你澳洲個舊同學寄咗個包裹嚟俾你呀，我聽日拎過嚟俾你好唔好？Amanda: 唔使喇！遲啲出嚟食飯先喇，應該都唔急嘅。Amanda媽: 咁你幾時先得閒過嚟同我食飯呀？幾個月冇見過你喇！連Whatsapp都冇個。Amanda: 我呢排真係好忙呀嘛。Amanda媽: 你有幾時唔忙㗎？Amanda: 唉，下個月細佬生日咪見囉。Amanda媽: 不如我煲啲湯拎過嚟俾你飲好唔好呀！Amanda: 唔使喇，咁遠水路你拎到過嚟，我又唔得閒陪你，唔通放低咗啲湯就走咩？Amanda媽: 我冇所謂㗎喎，我轉一次車就過到嚟㗎啦。Amanda: 唔使喇，一陣間你血壓高，喺中途暈咗咁點算呀？Amanda媽: 我知，你都係唔想見到我啫。Amanda: (嘰咕着)見到面咪又係嗌交，有乜好見喎！……得啦，細佬好快生日㗎喇。Amanda媽: 好啦，好啦，咁你約咗細佬未啊？Amanda: 得啦，得啦，到時Whatsapp你啦。Bye bye![電話掛線]Amanda: 唉，真係救命啊！(感慨)……唔知一個正常嘅家庭生活係點嘅呢？我真係想像唔到呀！我諗，我應該永遠都唔會知道㗎喇！[電話對話]樂: Hi! Amanda! 原來呢你屋企附近有一個祈禱會呀，啲members大部分都係同校醫科嘅畢業生，同埋佢哋啲屋企人，所以呢大部份都係醫生嚟㗎。佢哋聽晚有個聚會你得唔得閒一齊參加？Amanda: hm……吓？咁呀？你會陪我一齊去㗎可？樂: 梗係啦！Of course.Amanda: 咁好啦，橫掂聽晚我都off。樂: 咁我轉頭send個地址俾你啦，聽晚見！Amanda: Ok Thanks, 聽晚見啦！[場景 - 聖堂 - 活動室]Luke: Hi, Amanda, 阿樂！歡迎你哋嚟我哋個祈禱會，我叫做阿Luke，係大打雜，哈哈。Amanda & 樂: Hi, Luke!Luke: 你哋隨便坐吓得㗎喇！Amanda & 樂: ok, thank you!Luke: 其實我哋祈禱會嘅成員呢我哋大家都識咗好耐㗎，好似一家人咁。聚會都好輕鬆。首先大家呢會唱幾首歌，分享吓近況咁啦，尤其係有啲咩同天主相遇嘅經驗，之後呢就一齊讀聖經，做聖言分享，神師會喺分享當中有教導，最後就係彼此代禱嘅時間，每個人都會將自己嘅祈禱意向講出嚟，然後所有人就一齊為佢祈禱。樂: 嘩！好豐富呀！我都未參加過呢種嘅祈禱會添。Luke: 我記得呢你話你係聖母軍呀嘛，我哋開會嘅形式係有少少唔同嘅。樂: 其實我都係BB嚟㗎咋，有機會去體驗一吓唔同嘅團體，開吓眼界，其實都幾好呀！Luke: 唔緊要！我哋大家都係BB嚟㗎，其實大家都係一家人嚟啫……係啊！呢度有少少飲品同埋啲茶點！唔好客氣呀！啊，神父喺嗰邊我介紹俾你哋認識吓……神父！呢位係阿樂，呢位呢係Amanda，佢哋今日嚟參觀嘅……眾人: 感謝主，讚美主！Ruth: 誒！到我！到我！我有讚美報告！Luke: 哈哈！Ruth，冇人敢同你爭呀！你講先啦！眾人: 哈哈……Ruth: 嘩，我真係唔講唔得呀！哈哈！我啱啱呢自己一個人回流返嚟，冇親人喺身邊，本來都真係有少少擔心㗎，但係天主就真係咁好呀……Luke: 邊個有紙巾呀！……遞俾Ruth俾佢呀……Ruth: ……天主派咗好多小天使……唔該……喺我身邊，有身邊嘅同事啦，同埋朋友啦，全部都對我好好，煲湯比我飲啦，唔開心嘅時候又開解我喔……我好感受到我喺佢哋嘅身上感受到天主對我嘅關懷，同埋愛呀……眾人: 感謝主，讚美主！Luke: Thank you, Ruth! 唔單止咁呀，你仲有我地一班兄弟姊妹，我哋會車輪Send message俾你，同埋搵你食飯㗎喇，問你驚未？Sarah: 哈哈哈，大家呢千祈唔好得罪阿Luke呀！哈哈！好喇！輪到我喇！我呢就好感恩嘅，因為呢我終於有機會停落嚟，去做咗一個八日嘅避靜，唔單止身心靈都得到好充分嘅休息，好難得嘅就可以喺寧靜之中做到一啲比較有質素嘅祈禱，可以聆聽天主嘅聲音。平時呢每日生活都咁匆匆忙忙咁，時間表呀都係塞到密密麻麻，真係插針都插唔入呀。就算能夠抽到啲時間出嚟，個心都係好似唔夠靜嘅。Luke: 各位啊！神父曾經講過， St John of the Cross 有句名言: “Silence is God's first language”, 靜默係天主嘅第一語言。正如頭先Sarah講，唔係外在嘅環境有冇噪音嘅問題，個腦呢有事真係太多嘢諗喇，...
    Show More Show Less
Show More Show Less

What listeners say about 找尋 | 第三週 - 愛 | 星期三 | 愛的視覺

Average Customer Ratings

Reviews - Please select the tabs below to change the source of reviews.

Audible.com.au reviews

Amazon Reviews
No Reviews are Available
In the spirit of reconciliation, Audible acknowledges the Traditional Custodians of country throughout Australia and their connections to land, sea and community. We pay our respect to their elders past and present and extend that respect to all Aboriginal and Torres Strait Islander peoples today.